Indietro

ⓘ Bizkaia lè el termine basco che stà a indicar una de łe sete provinçe del teritorio storico dei Paexi Baschi, oltre che na provincia spagnoła. A nord ła confina ..


Bizkaia
                                     

ⓘ Bizkaia

Bizkaia lè el termine basco che stà a indicar una de łe sete provinçe del teritorio storico dei Paexi Baschi, oltre che na provincia spagnoła. A nord ła confina col golfo de Bizkaia, a sud co Burgos e lAraba, a ovest co ła Cantabria e Burgos e a est co ła Gipuzkoa. Ła ga nestension de 2 217 km² e na popołasion de 1 139 863 abitanti, che ła ghe ne fa el teritorio più popołà dei Paexi Baschi. Ła so capital lè Bilbao. Lè stà una de łe provinçe più floride de ła Spagna grasie ła forte industriałixasion de ła fin del XIX secoło e ła prima metà del XX. Atualmente latività industriałe el ga ceduo el paso a ninportante atività in tel setor dei servisi, seguia ła soferta deindustriałixasion dei ani Setanta.

                                     

1. Etimołogia del topònemo

El termine Bizkaia el ga netimołogia discusa. Secondo linterpretasion prinçipałe, el significarea çima, e lsarea un sinonimo de ła paroła basca bizkar cołineta, cresta. In tel 1141, in riferimento ła çima del monte Igeldo de Donostia-San Sebastián, apar iscrito el seguente toponimo: Iheldo Bizchaya çima de Igeldo; anca in Navara ghè na comarca denominà La Vizcaya che pol significar "ła çima". Sà proposto anca altre etimołogie, come bits-kaia porto de sciuma, manco probabiłi.

                                     

2. Araldica

El scudo tradisional de ła Signoria de Bizkaia el mostra i łupi de ła famea Haro e na quercia, che a olte ła vien identificà co lAlbaro de Gernika, al qual se gà xontà na croxe. El scudo ofisiałe atuałe, cosita come definio da ła norma foral del 1986, el se baxa su queło storico, ma nol prexenta più i do łupi e gnanca el łeon che ghèra prima. El vałor storico-artistico de çerti edifici co insima el scudo storico i parmete ła coexistensa dei do scudi, tradisional e ofisial.

                                     

3. Geografia

Ubicasion

Situà inte ła parte setentrionałe de ła penìzoła iberica, ła confina a ovest co ła comunità autonoma de Cantabria, a sud-ovest co ła provinçia de Burgos, a sud co el teritorio storico de Araba, a est co ła Gipuzkoa e a nord co el golfo de Bizkaia mar Cantabrico. Urduña Orduña lè unenclave bixcaina in Araba.

Estension

2 217 km². Perimetro terestre: 167 km, maritimo: 80 km.

Vie de aceso:

  • AP-68 Autostrada Bilbao-Zaragoza.
  • AP-8 Autostrada del Cantábrico.
                                     

3.1. Geografia Clima

El clima lè oçeanico, co tanta nuvołoxità durante tuto lano. Łe precipitasion iè abondanti e frequenti, soratuto in autuno e inverno, co una mèdia anuałe de 1200 mm. Łe tenperature iè moderè sia in istà che in inverno 14-15 °C de mèdia anuałe. Iè un poco più estreme a linterno, caraterixà da un clima più tipicamente continentałe, ndoe in inverno ła neve lè più comune e pioe più speso.

Quando ghè venti da sud se verifica de frecuente lefeto Foehn, soratuto a Bilbao.

                                     

3.2. Geografia Carateristiche

Łe prinçipałi carateristiche de ła rejon iè:

Monti

Ła Bizkaia lè montagnoza e anca su ła costa ła ga monti che riva a naltesa rełativamente alta. Tuti i monti iè parte de ła cordiliera basca. Ła majoransa iè de piera calcarea e ła se ga creà inte lera Jurasico-Cretacea. I altri iè nati inte lEocene.

El punto più alto de ła Bizkaia lè el monte Gorbeia, al confin co lAraba.

Fiumi

I fiumi de ła Bizkaia iè curti ma mai sechi. I prinçipałi iè el Nerbioi, l Ibaizabal e el Kadagua. El primo el score in diresion sud-nord da Urduña, l Ibaizabal est-ovest da Urkiola e lKadagua ovest-est da Ordunte. I fiumi oçidentałi iè: Artibai, Lea, Oka e Butron.

Raramente ghè de łe inondasioni, anca se famoxa lè queła del 1983, che el ga colpio in particołar modo Bilbao.

Costa

Łe prinçipałi carateristiche iè lestuario de Bilbao ndoe i fiumi prinçipałi i sfocia in tel mar e lestuario de GernikaUrdaibai. Ła costa lè generalmente alta, co insenature e picołe baie.

Ixołe

  • Txatxarramendi Sukarrieta
  • Garraitz Lekeitio
  • Aketxe Bermeo
  • Gaztelugatxe Bermeo
  • Billano Gorliz
  • Izaro Bermeo

Spiaie

In Bizkaia ghè pien de łonghe spiaie. Łe più note iè Laida e Laga de Urdaibai, Barinatxe e Atxabiribil-Arrietara de Sopela, ła spiaia de Plentzia, Ogeia de Ispaster Ogeia e Karraspio de Mendexa.

                                     

4. Storia

Ła Bizkaia lè stà abità fin dal Pałeołitico Medio, come testimonià da i resti archeołogici e da łe iscrision rupestri catè in diverse caverne. Ła prexensa dei Romani ła ga vù un scarso inpato su ła rejon e ła łéngoa basca łe so tradision iè sopravisue fin al dì dancó.

In tel Medioevo ła Bizkaia lè a łe dipendense del regno de Panplona XI secoło e infin come parte de ła Corona de Castiglia.

Inte letà moderna, ła provincia la divien una de łe majori aree industriałi e comerciałi. El so fondamentałe porto de Bilbao el diventa presto ła principałe porta verso lEuropa par ła Castiglia. Più tardi, in tei secołi XIX e XX, labondansa de fero de ecełente cuałità e ła mancansa de caste feudałi łe favorise na rapida industriałixasion.

                                     

4.1. Storia Pałeołitico mèdio

Łe prime prove de stansiamenti umani Neanderthal in Bizkaia łe riguarda sto periodo de ła preistoria. È stà catà manufati musteriani in tri siti bixcaini: Benta Laperra Karrantza, Kurtzia Getxo e Murua Durangoaldea.

                                     

4.2. Storia Pałeołitico superior

  • Inte ła cava de Santimamiñe Busturialdea se pol catar ła cultura Chatelperroniexe normalmente asocià ai Neanderthal.

I più inportanti insediamenti dei umani moderni H. sapiens i pol esar considerè i seguenti:

  • Cultura Aurignasiense: Benta Laperra, Kurztia, e Lumentxa Lekeitio
  • Cultura Solutrense: Santimamiñe e Bolinkoba
  • Cultura Gravetiense: Santimamiñe, Bolinkoba Durangoaldea e Atxurra Markina
  • Cultura Magdaleniense: Santimamiñe e Lumentxa

Anca larte pałeołitica lè prexente. Ła caverna Benta Laperra ła mostra łe più antiche piture, forse del periodo aurignasiense o solutrense. I animałi piturè iè bixonti e orsi, insieme co segni astrati. Łe piture de Arenaza Sodupe e Santimamiñe iè de periodi posteriori. Łe prime łe ga cervi femene come motivo dominante, łe seconde łe mostra bixonti, cavai, cavre e cervi.

                                     

4.3. Storia Epipałeołitico

Sto periodo lè dominà in Bizkaia da ła cultura Axiłiense. I atresi i diventa più picenini e rifinii e, in xonta ła cacia, diventa più inportante ła pesca se cata deso ciara próva anca de fruti selvadeghi. Santimamiñe lè uno dei più inportanti siti anca in riferimento a sto periodo. St altri iè Arenaza, Atxeta mia distante da Santimamiñe, Lumentxa e ła visina Urtiaga e Santa Catalina, insieme co Bolinkoba e ła visina Silibranka.

                                     

4.4. Storia Calcołitico e Età del Bronxo

Mentre i insediamenti al verto i scominsia a diventar comuni man che ła popołasion ła crese, durante el Calcołitico e lEtà del Bronxo in Bizkaia continua a esar uxe łe caverne e i ripari naturałi. Ła cacia ła diventa gradualmente na manco inportante fonte de carne, rinpiasà da łe pegore, łe cavre e qualche bovin. I atresi de metal i diventa più comuni ma continua a vegner uxà anca quei de piera.

Lojetistica in ceramica mia decorà ła gode de continuità fin a quando ła cultura del vaxo canpaniforme ła fa ła so aparision.

I siti de sto periodo i cuerxe deso tuto el teritorio de ła Bizkaia: tanti iè insediamenti open-air, ma łe più inportanti caverne iè oncora in uxo.

                                     

4.5. Storia Età del Fero

È stà identificà gran pochi siti rełativi a sto periodo. Łe caverne łe vien abandonè par ła majorparte, ma łe principałi de ła preistoria iè oncora abitè.

                                     

4.6. Storia Periodo Roman

I geografi romani i nà parmeso de vegner a saver che el teritorio de latuałe Bizkaia lera abità da do tribù: Caristi e Autrigoni. I Caristi i abitava el sentro de ła Bizkaia, a est de Bilbao, estendendose anca in tel nord de lAraba e in serte aree de ła Gipuzkoa, fin al fiume Deba. I Autrigoni i vivea inte ła parte più oçidentałe de ła Bizkaia de lAraba, estendendose fin a łe province de Cantabria, Burgos e La Rioja. Baxandose su ła toponimia łe prove storiche e archeołogiche, se pensa che ste tribù łe parlase basco.

In tel tardo periodo roman, in tei Paexi Baschi, pararea esarghe stà rivolte contro ła dominasion romana e el proceso de feudałixasion.

                                     

4.7. Storia Medioevo

Par quanto riguarda ła prima parte del Medioevo, ła storia de ła Bizkaia ła pol mia esar separà da queła del resto dei Paexi Baschi. I Vixigoti e i Franchi i tenta continuamente de stabiłire el so dominio, ma de fato el teritorio el resta indipendente.

In tel 905, łe cronache leonexi łe mensiona par ła prima olta lestension del regno de Panplona a łe province basche osidentałi quindi anca ła Bizkaia, nonché La Rioja e al sentro de lAragona.

In tei confliti tra el regno de Castiglia de Panplona/Navara dei secołi XI e XII, i Castigliani i era suportè da tanti propietari terieri de La Rioja, che i sercava de consołidar łe so propietà soto ła łeje feudałe castigliana. Sti signori pro-Castiglia i era guidè da ła caxata dei Haro, al cuałi vien acordà el goerno de ła neocreà Bizkaia, inisialmente conposta da łe vałi de Uribe, Busturia, Markina, Zornotza e Arratia, più xvariè çitadine e ła sità de Urduña. No lè mia ciaro quado sia acaduo exatamente ma se sostien che Iñigo López el sia stà el primo a otegner el titoło de Signor de Bizkaia in tel 1043.

Tutavia, poiché i teritori osidentałi i vien presto reincorporè ła Navara, ła vera costitusion de ła Bizkaia in quanto Signoria no ła vien consołidà se non co linvaxion de ła Castiglia in tel 1199-1200.

El titoło el vien eredità da i disendenti de Iñigo López finché, par eredità, in tel 1370 el finise in man a lancora butin Juan de Castiglia, diventando quindi uno dei titołi del re de Castiglia. Da łora, ła Bizkaia ła resta cołegà ła corona, prima a queła de Castiglia e in seguito, a partir da Carlo I, a queła de Spagna, senpre co ła condision che el Signor el giurase de difendar de mantegner el fuero leje bixcaina, derivà dal dirito navarexe, che laseriva come i posesori de ła sovranità de ła Signoria i fuse i stesi bixcaini e che quindi, almanco in teoria, i podese rifiutar el Singor.

I Signori, e più tardi i re, i se recava quindi a jurar sui Statuti a lAlbaro de Gernika, ndoe lasenblea de ła Signoria ła se riunea.

                                     

4.8. Storia Età Moderna

Inte lEtà Moderna crese linportansa del comercio, specialmente par el porto de Bilbao al cuałe i re i acorda priviłegi in tel comercio co i porti de linpero Spagnoło in tel 1511. Bilbao lera xa ałora el prinsipałe porto castiglian, da ndoe i inbarcava ła łana par łe Fiandre e altri beni i era inportè.

In tel 1628, el teritorio de Durango el vien incorporà ła Bizkaia. In tel steso secoło anca i comuni de łe Enkarterriak Encartaciones i vien incorporè in difarenti date, otegnendo un speciałe statuto a mexavia tra el dirito castiglian e navarexe. Łe sità costiere łe posedea na propia considerévołe flota, par ło più dedicà ła pesca e al comercio. Insieme co staltre çitadine de Gipuzkoa e Lapurdi, iè stè anpliamente responsabiłi de ła parsiałe estinsion de łe bałene in tel golfo de Bizkaia e del primo instàbiłe insediamento de Europei in Teranova. I era anca bravi inte el stipułar tratati a parte co łe altre potense, in particołare lInghiltera.

Dopo łe goere napołeoniche, ła Bizkaia, insieme co łe altre provinçe basche, lè minacià dal vedarse cancełà łe so norme de autoregołamentasion da łe Cortes spagnołe diventè łiberałi. Sta qua lè cauxa de łe sucesive goere carliste, in ocaxion de łe cuałi el goerno bixcain, insieme co łe altre provinçe basche, el suporta ła fasion reasinaria.

Tutavia tante çità, tra cui Bilbao, łe se ałinea co el goerno łiberal de Madrid. Łe goere łe porta cosita a sucesivi tai a lanpia autonomia de ła Bizkaia de staltre provinçe.

A metà Otosento, vien catà anplie disponibiłità de fero de prima cuałità. Sta roba ła porta raquanti investimenti foresti prinsipalmente da lInghiltera e ła Francia, faxendo de ła Bizkaia una de łe provinçe de Spagna più riche e industriałixe. Insiema a lindustriałixasion apare inportanti famee borghexi come Ybarra, Chávarri e Lezama-Leguizamón. In sto periodo vien creà i grandi grupi industriałi Iberdrola, Altos Hornos de Vizcaya e finansiari Banco Bilbao Vizcaya Argentaria- BBVA.

                                     

4.9. Storia Vinteximo secoło

Durante ła seconda repùblega spagnoła el Partio Nasionałista Basco PNV el goerna ła provincia. Quando sciopa ła goera civiłe spagnoła, ła Bizkaia ła suporta ła fasion contraria a lexercito de Francisco Franco, de ideołogia fasista.

Poco dopo, ła Republica ła riconose un statuto de autonomia par i Paexi Baschi ma, a cauxa del controło fasista su larga parte del teritorio, ła prima Comunità Autonoma Basca, che gavarà breve durata, ła ga poter soło su ła Bizkaia e qualche paexeto confinante.

Poiché lexercito fasista lera drio avansar verso ovest da ła Navara, vien pianificà e erete difexe intorno a Bilbao, ciamà Cintura de Fero. Lingegner incaricà, José Goicoechea, el pasa parò ai fasisti, cositaché łe difexe mia terminè łe rixulta de poco vałor. In tel 1937, i aerei tedeschi soto el controło de Franco i distruje ła çitadina storica de Gernika, mia prima de aver bonbardà Durango poche stimane prima. Alcuni mexi piasè tardi Bilbao ła casca inte ła mane dei fasisti. Lexercito basco Eusko Gudarostea el se ritira a Santoña, oltre i confini de ła Bizkaia. Łà i negosia ła rexa co łe forze itałiane Acordo de Santoña, dopodeché i vien consegnè a Franco. Sta rexa ła vien vista negativamente dal resto de łe forse republicane, che łe se sente tradie da i baschi.

Soto ła ditatura de Franco, ła Bizkaia e ła Gipuzkoa łe vien dichiarè "provinçe traditore" e cavè xo de ogni tipo de autoregołamentasion.

Soło dopo ła morte de Franco in tel 1975 vien restaurà ła democrasia in Spagna. Ła costitusion del 1978 ła aceta łe particołari łeji basche fueros. Inte el 1979 vien aprovà el Statuto de Gernika e ła Bizkaia, lAraba e ła Gipuzkoa łe vien a formar ła Comunità Autonoma dei Paexi Baschi, co un so parlamento.

El Partio Nasional Basco lè stà el vinçitor de tute łe ełesion tegnue in tel periodo democratico. Recentemente ła łeje forałe lè stà estexa a i paexi e ła sità de Urduina, che lavea senpre uxà ła łeje civiłe spagnoła.

                                     

5. Popołasion

Secondo el censimento del 2006, ła popołasion de Bizkaia lè rivà a contar 1.139.863 abitanti e ła so densità lè de 514.1 ab./km², sorpasà soło da Madrid e Barcełona. Quinta provincia spagnoła par popołasion in tel 1981, nonostante ła crixi demografica che ła sofre da ła Tranxision spagnoła 1975-1978, lè oncora ła nona provincia par numaro de abitanti. A cauxa del saldo migratorio negativo verso łe altre rejoni spagnołe prexentà dai primi ani 80, in tel 2005 ła gavea soło un 3.5% de foresti, sinque punti e mexo manco de ła mèdia nasional.

Se consideremo levołusion dei abitanti secondo el seso, otegnemo i seguenti dati:

                                     

5.1. Popołasion Migrasion

Par quanto riguarda ła migrasion se ga evidensià do tendense inte i ultimi ani. Al prinsipio, a seguito de ła crixi de lindustria dei ani Otanta, tanti łaoradori rivè inte i deceni precedenti i torna a i paexi de origine, decretando un saldo negativo. A partir dal 2000 sta tendensa ła se ga parò invertio e el saldo lè poxitivo. No ghè grose diferense da sto punto de vista tra omeni e done.

                                     

5.2. Popołasion Comuni più popołè

De i abitanti de ła Bizkaia, sirca el 35% el vive inte ła capital Bilbao e l 88% inte ła so area metropułitana. Ła provincia lè divixa in 112 comuni.

Gernika, el paexe considerà centro spirituałe dei Paexi Baschi, lè situà in Bizkaia.

El paexe più picenin lè Arakaldo, co 95 abitanti.

Sti qua iè i comuni de dimension piasè grande:

  • Galdakao: 29.594.
  • Santurtzi: 47.320.
  • Portugalete: 49.118.
  • Durango: 27.040.
  • Barakaldo: 95.640.
  • Leioa: 28.858.
  • Bilbo: 354.145 abitanti 2006.
  • Basauri: 44.052.
  • Sestao: 30.350.
  • Getxo: 82.327.
                                     

6.1. Istitusion e organi forałi Bizkaiko Batzar Nagusiak Juntas Generales de Vizcaya

Łe Junte Jenerałi de Bizkaia iè lasenblea unicamerałe che exercita ła potestà normativa sul teritorio storico de Bizkaia. I so membri, ciamè in spagnoło apoderados, iè ełeti mediante sufragio popołar direto. Łe ełesion łe se verifica ogni cuatro ani, coincidendo co łe ełesion muniçipałi.

Łe Junte Jenerałi łe se riunise inte ła Casa de Juntas de Gernika.

Ła conpoxision de łe Junte a seguito de łe ełesion del 2007 lè:

Al dì dancó el Partio Nasionałista Basco PNV-EAJ lè el partio egemonico. El vinse in quaxi tuti i comuni e el ga ła majoransa anca al parlamento basco.

                                     

6.2. Istitusion e organi forałi Bizkaiko Foru Aldundia Diputación Foral de Bizkaia

Ła Diputación Foral de Bizkaia lè forma da un Diputado General, Jose Luis Bilbao PNV, ełeto da łe Junte Jenerałi, e da i altri deputati mia par forsa membri de łe Junte Jenerałi, che iè dexignè dal Diputado General fin a un masimo de diexe.

Ła Diputación Foral ła exercita el potere executivo e ła potestà regołamentaria in tei anbiti de so conpetensa.

                                     

6.3. Istitusion e organi forałi Controło de łegałità

Łe norme emanè da łe Junte Jenerałi łe se ciama Norme Forałi e iè superiori in gerarchia a quełe emanè da ła Diputación Foral, denominè Decreti Forałi. Ste qua łe sotostà tute al controło de łegałità dei tribunałi.

                                     

7. Mexi de comunicasion

Jornałi:

  • Gara
  • Deia
  • El Mundo del País Vasco
  • Uribe Kosta Digitala
  • El Correo
  • Berria

Emitenti radio:

  • Radio Bilbao Cadena SER
  • Bizkai Irratia Radio Vizcaya
  • Euskadi Gaztea Grupo Eitb
  • Radio Euskadi Grupo Eitb
  • Radio Nervión

Emitenti de TV łocałe:

  • Euskal Telebista
  • Uribe Kosta Telebista
  • Bilbovision
  • Tele 7
  • Durango Telebista
  • Canal Bizkaia
  • TeleBilbao
                                     

8. Léngoa

Łe principałi łéngoe parlè in Bizkaia iè el spagnoło e el basco, inte ła forma del bizkaiera el diałeto bixcaino e del basco unificà batua. En larea metropułitana e inte ła subrejon de Enkarterri ze majoritario luxo del spagnoło, mentre inte łe restanti aree predomina el basco.

                                     

9. Turixmo

Ła so capital, Bilbao, lè famoxa par el muxeo Guggenheim de Bilbao e el so estuario.

Monumenti e posti interesanti:

  • Baxiłica de Begoña
  • Casa de Juntas e Albaro de Gernika.
  • San Juan de Gaztelugatxe.
  • Grota de Santimamiñe e Bosco de Oma.
  • Aeroporto de Bilbao, exenpio de architetura moderna.
  • Cexa de Santa María de Axpe.
  • Ponte Bizkaia.
  • Enkarterriak e ła Casa de Juntas de Avellaneda
  • Università dei Paexi Baschi, campus de Lejona 1972, gran exenpio de architetura brutałista, e sede del Museo Vasco de Historia de la Medicina y de las Ciencias.
  • Pałaso Euskalduna.
  • Grote de Pozalagua.
  • Riserva de ła biosfera de Urdaibai e spiaia de Mundaka.
                                     

10. Ligamenti de fora

  • I Signori de ła Bizkaia
  • Web Oficial de la Diputación Foral de Vizcaya
  • Belonweb: rutas articulos, fotos sobre Vizcaya
  • Portałi
  • Portałe de Paexi Baschi
  • |
  • Wikimedia Commons el detien imàjini o altri file so Bizkaia